ලොව වැඩිපුරම භාවිතා කරන වෙබ් පිරික්සන මෘදුකාංගය (වෙබ් බ‍්‍රවුසරය) ලෙස මයික්‍රොසොෆ්ට් සමාගමේ ඉන්ටර්නෙට් එක්ස්ප්ලෝරර් අභිබවා යාමට ගූගල් ක්‍රෝම් සමත් වී ඇතැයි වාර්තා වේ.
ස්ටැට් කවුන්ටර් නම් විශ්ලේෂණ සේවය විසින් නිකුත් කර ඇති දත්ත වාර්තාවක් මගින් මේ බව අනාවරණය වී තිබේ.
මැයි 14-20 දක්වා කාලපරිච්ඡේදය පුරාවට ගූගල් ක්‍රෝම් විසින් ඉන්ටර්නෙට් එක්ස්ප්ලෝරර් අභිබවා ගොස් ඇති අයුරු එහි දැක්වේ.
මෙම වාර්තාවට අනුව අන්තර්ජාලය පිරික්සන්නන්ගෙන් 32.76%ක් ක්‍රෝම් භාවිතා කරයි.
මේ අතර, එක්ස්ප්ලෝරර් යොදාගෙන අන්තර්ජාලය පිරික්සන්නන්ගේ ප‍්‍රමාණය 31.94% දක්වා පහත වැටී ඇත.
කෙසේ වෙතත්, මීට සිවුවසරකට පෙර අන්තර්ජාලය පිරික්සන්නන් 70%ක පමණ භාවිතා කළ ඉන්ටර්නෙට් එක්ස්ප්ලෝරර්, මේ වන විට භාවිතා කරනු ලබන්නේ 31.94% පමණක් බව එහි වැඩිදුරටත් දැක්වේ.
No comments:
Post a Comment